RIOS 之價值觀

 

我認為lay個世界係公平既,有得就必有失,

我總無可能成世都舒舒服服,如如意意~

所以有時我會專登要自己食D苦頭........

例如, 今日竟然抽獎抽中大獎,我就會覺得之後會有番相對既

壞事發生,所以我會盡量去做番d好事去law番個平衡,好似主動幫下其他人......

又好似買野找多左錢咁,我都會主動比番佢.......

總之凡事都要law番個平衡點, 你幫左我,我就會幫番你,相反,

你欠左我,我亦要law番番lei.......

有時發生左件令自己唔開心既事, 我就會諗下之前究竟有d咩好事,

如果之前我真係有件好好既事發生左,我就好自然當lay件唔開心既事為平常事.......

我亦認為凡事 過到一次,未必過到第二次,

所有幸運既事我只會相信會發生到一次,今次過到骨就算,

絕對唔會摶第二次! 同樣,今日享受左,聽日就要辛苦番一日!!

 

我又係一個先苦後甜既人, 食野永遠都將最好既留到最後,

溫書永遠溫左難既野先........以前永遠都要做完功課先準自己食飯 等等....

 

我仲會為自己定下好多既規則去規範自己, 話過唔做得d乜就唔會去做,

如果連自己對自己既要求都做唔到,咁仲點叫人信你!

 

我既生命就好似打機咁, 因為我懶,有時唔識決擇既時候往往交由個天決定,

我會set一D條件去做決擇, 好似 一出街見到巴士 就點點點,見到的士 又點點點 等等

發生唔同既事,就會改變我既"劇情",所以我都未預計到自己既將來~

 

由我懂事以來,我就有自己一套既價值觀,無人左右到我,遇到我唔食既野我寧願涯餓,

其他人只會話我係硬頸,但係我只係執著o係自己既原則(自我中心), 只要乎合到我自己既價值觀,

我絕對唔會"硬頸"(你話好食既我唔會話你錯,我只會話我唔食,我無話過佢係唔好食!你既意見我會接受)

 

另外,我唔太鐘意靠人,如果自己有能力既就會靠自己去完成,我知道自己既價值觀係同其他人好唔同,

我認為有價值既,其他人多數話無, 所以我寧願自己辛苦d去自己搞掂佢,費事聽其他人既說話!

買野就係一個好例子, 我基本上無要求過我父母買d咩比我,一直都係靠自己儲錢去買,

我覺得,如果件野係我自己買既,你就無權管佢,我想點用,幾時用 都唔關其他人事,咁我就可以聽少好多說話啦~

 

唔講可能唔知,其實o係我心入面, 錢係好重要,我問過自己,如果自己要用哂成幅身家去幫自己醫病,

我究竟肯唔肯呢,答案係: NO! 醫番好都無用啦,不如留番D錢比人,而且醫既過程我仲要受苦ga bor,

我就覺得唔值啦..........平時可能無講到出口,不過內心其實係盤算緊一分一毫,我曾經借過你1蚊,

隔好耐我都仲會記得,不過還唔還就另一回事~~~ 我借過1蚊比你,我都會記得,不過多數唔會叫你還.....

無辦法,天生係在乎金錢既人,就算點都改唔到gala,只要平時無講到出口,做到出面就可以~

好似你天生怕血,就算你克服到,你既內心都會係驚,只係外表上無表露出lei就可以啦~

Written by Rios on 18/1/2005

2004-5 Rios All Rights Reserved