1. 任何人都會覺得自己有某D地方係好奇怪的。

例 : 成日都會聽到人話: "我好怪ga,我會........" , "我比較怪lor, 我鐘意......." e.t.c.

正解: 其實係因為人人都有自己獨特之處,而自己又怕面對自己平時隱藏既一面,
先會用 怪 去形容自己, lay種方法仲可以避免對方話自己奇怪。
表面上好似話比人知自己已經接受左自己係奇怪, 實質上係你未接受到先會話佢怪lor!!


2. 分析事件只用客觀同主觀係唔足夠!

例: 主觀既分析 加上 客觀既分析,好似就係事實既全部

正解: 當然唔係啦! 好多人為免被人話自己太過主觀,就會嘗試抽離自己,
用一個客觀既態度去分析成件事。睇落好似已經將所有既範疇都考慮過,
實際上,你並未用對方既主觀立場去睇成件事!!
每件事都應該分三個層次去作分析,
主觀:先由自己既角度去分析,然後得出結論
客觀:由第三者角度去分析,然後得出結論
對方既主觀: 由對方既角度去分析,然後得出結論

當將全部層面既結論都分析後,自然會掌握成件事既變數,
自然有一個最佳既解決辦法出現。


3. 人總係懶既!

例: 人總會用最簡單既方法去解決問題, 無需要既時候都唔會盡力

正解: 好似撞門咁, 你唔會一開始就用盡全力去撞,你會一次比一次大力咁撞落去,
目的就係搵出最少既力度去撞開度門。 人諗野亦係一樣, 只要善用這點,
將事情預計多一步,就已經可以勝人一籌。


4. 唔講出口既先至矜貴

例: 嚴寒既冬天, 為對方遞上一杯熱飲,總好過 問佢 "凍唔凍,駛唔駛買杯野你飲 ?"

正解: 如果問到出口,佢未必好意思叫你去買,就算真係叫你去買,都唔會有咩特別,
相反,你自動奉上一杯熱飲,就算佢唔飲,亦顯出你既細心,姐係點都可以令對方開心。



5. 扮野o個陣,人地唔知你扮緊野先係真正既扮野

正解: 扮得野,就當然想威, 如果你扮野扮到比人知既,咁你就係瘀
所以,要扮野,就扮得有技巧D, 扮野扮到比人知道既, 就好心你咪扮啦........


6. 世事無分真假,公道自在人心

例: 就算有日你真係見到UFO o係天上飛過, 但係你講出lei都無人信啦,咁就算係真又有咩用呢.........

正解: 真又好,假又好, 人地信既 就得啦!! 唔信既,就姐係假...........就好似眾多宗教一樣,佢信既,
佢咪當真,唔信既,就係企o係面前都會覺得係幻覺!!
所以,講野唔一定要真,講一D人地信既就夠啦。人地唔信既,就算真或者假,講lei都無謂........

Written by Rios on 7/12/2004

2004-5 Rios All Rights Reserved